57 Sa fe sink mil ane pase

Sa fè senk mil ane pase Noye bati lach la

Bondye di: M ap voye yon delij

Pou detwi latè.

Zannimo antre andedan, betizè yo mande

Si Noye panse fè lach la sou tè sèk derape.

Ak fanmi li, Noye antre, Bondye fèmen pòt la

Syel la vin sonm, Zekle pete

Pasyans Bondye kaba.

Moyiz ale sou lòd Bondye

Bay pèp la libète,

Wa Ejip deklare : Mwen p ap kite esklav ale

Banboch nan dezè a,

Pwiske yo tout parese,

Olye mwen lage yo,

M ap fè travay yo redouble.

Moyiz reponn ou pral soufri

Men Moyiz pa te pè

Li kanpe bò rivyè a l leve baton li anlè.

Nan tan Eli an Izrael lè Wa Akab renye,

Sechrès te rèd, twazan edmi,

Lapli a pa t tonbe,

Akab banboche sou Kamèl, lè Eli t ap priye

Sis fwa, nanpwen anyen,

Men Eli pat dekouraje,

Byento yon ti nyaj paret,

Eli te pran kouraj li di Akab:

Ou dwe pare pou yon kokenn lapli.

Anvan Jezi tounen nan syel kote li soti

Ak onz apot yo li promennen jouk nan Betani

Li di: lè m rive nan syel

M a voye sentespri a

Donk rete Jerizalèm

Jouk pisans la vini.

Sanven disip nan chanmòt la t ap veye e priye

Yon van sibit sekwe kay la

Benediksyon vide.