Lè moman an te pi difisil,
Pitit, madanm tonbe malad,
Kouche sou kabann lopital
Ak lapenn mwen pa nan travay.
Yo ban mwen papye preskripsyon
Mezanmi m pa gen atouché
Mwen louvri bra mwen bay Jezi
Se li menm sèl ki ka sove m
Mwen p ap lache Jezi yon may,
Avèk li mwen pi asire;
Mwen p ap kite Jezi sovè m
Avèk li m ap genyen viktwa.
Gen sa k te di m al kay bòkò,
Ak lajan m al rele vye lwa,
Ajenouye m nan pye pechè,
Pitit, madanm mwen pra l mouri,
Mwen fè yon egzamen konsyans,
Si yon nonm te ka bay lavi,
Nonm sila pa ta janm mouri
Tout tichès late ta pou li.
Doktè di m pa genyen espwa
Tou de moun yo prèt pou mouri
Men mwen di: O non de Jezi!
Pa gen anyen dwòl k ap pase.
Tou de moun yo pa t ka manje
Nan demen, yo mande manje
Uit jou pase yo ekzeyate
Sou pwoteksyon Jezi Sovè m.
