Anba lonbraj lakwa Jezi a
Se la nou va repose;
Wi repose nan gras Bondye
Ala bèl bagay lè n ap mache
Men nou nan men Jezikri,
N ap rete fèm nan gras Bondye
Jezi bon bèje ap veye sou nou
Li fè nou pwomès, li pa p janm dòmi
Se poutèt sa nan kay bèje a
Mouton yo gen kè poze;
Wi repoze nan gras Bondye
Nan pi bèl patiraj ki genyen
Se la li fè nou manje;
Nan pi bèl zèb anba frechè
Nan pi bèl rivyè k ap koule,
K ape koule byen trankil,
Li fè nou bwè swaf nou pase.
Ou menm k ap travay pou Jezi
Ou pa bezwen dekouraje;
Kenbe pi fèm, ou va rive,
Gras Bondye se benediksyon,
Eske w pa ta renmen l tou
Chwazi Jezi Jodi a menm.
