Lè pwoblèm vin pou ravaje m,
Tristès decouraje m,
Tout pòt fèmen, nanpwen wout pou m pase;
Mwen louvri bra mwen bay Jezi,
Li tande lè m priye
Nanpwen montay Bondye pa deplase.
Nanpwen montay ki ka kanpe
Devan pisans Bondye
Lè m rete fè m e kè m pa boulvèse
Mwen konnen wout la pa fasil,
Eprèv yo difisil
Nanpwen montay Bondye pa deplase
Jezi Mande pou l ede nou
Nanm nou va jwenn sekou
Pisans Li fò, pa gen pi gran pase l
Li bay pouvwa pou nou mare,
Pouvwa pou nou lage
Ak Bondye la tout sikonstans chanje.
Annou pèsevere frè m yo,
Pèsevere sè m yo
Annou kenbe bra Jezikri pi fò
Si pou nou genyen laviktwa,
Fò nou kenbe pi fò
Bondye konnen nan ki batay nou ye.
Pèsekisyon gen pou l fini
Tantasyon pral fini
Satan genyen pou l krenn tout kretyen yo
Konvwatiz yo gen pou ale,
lachè gen pou l kraze
Nanpwen montay Bondye pa deplase.
