Nan mitan gwo lanmè ak tanpèt mwen te ye
San sekou m te pèdi, San lafwa, san limyè.
Bridsoukou mwen wè yon
Gwo bato ap pase,
Mwen ranmase tout fòs mwen
E mwen pran rele: O sekou! O sekou!
Kilès ki pou sove m? O sekou!
Se bato Levanjil ki te byen ekipe
Li t ap mennen fidèl yo
Nan wwayòm Bondye.
Kapitèn bato a wè efò mwen tap fè
Ak yon men m byen anlè
Mwen te kriye byen klè: O sekou! O sekou!
Kilès ki pou sove m? O sekou!
Bato levanjil la te fè mwen reprann kouraj
Nan gran bonte li, chèf la
Pran ka mwen an chaj.
Kounye a mwen kontan e zafè mwen regle
Paske gran Sovè a rive kote m te ye.
Glwaradye! Glwaradye!
Konsa nanm mwen chante, Glwaradye!
Zanmi dekouraje ki pa konnen lapè
K ap fè nofraj anba terib lanmè peche,
Sovè mwen dispoze sove ou si ou vle.
Vin chèche sekou Li kounye a san dèle.
Li sove m! li sove m!
Ak lajwa w a chante: Li sove m!
