Chak moman Sovè mwen mennen m;
Kisa mwen dwe tann ankò?
Mwen pa janm kab doute lanmou L,
Wi, sa vo plis pase lò.
Lapè, syèl ak konsolasion
Ak lafwa mwen jwenn nan Li;
E nan tout bagay ki rive m
Mwen toujou wè Jezi Kri. _(bis 2 liy)
Chak moman Sovè mwen mennen m;
Souri Li klere chemen m.
Li ban m gras pou tout eprèv mwen,
Pen ki sòti nan Li menm.
Malgre pye mwen souvan glise
E nanm mwen konnen swaf tou,
Sòti nan wòch la devan mwen
Sous la jayi nwit kon jou. _(bis 2 liy)
Chak moman Sovè mwen mennen m,
Kè m ranpli ak lapè li;
Lanmou l va toujou anbrase m
Menm nan soufrans ak dizèt;
Lè mwen va monte nan syèl la
Kote Jezi ap tann mwen,
Chan sa a ma va chante toujou:
Li va mennen m jouk lafen. _(bis 2 liy)
