M ap kalkile yon jou
Nan syèl la m a wè sa,
Andedan tout liv sa yo
Tout pechè te enskri;
Mwen wè non mwen byen klè,
M di Bondye sa pou m fè
M lage m nan pye Sovè mwen
Mwen regle koze mwen.
E la menm, Wi la menm
Wi se la menm tout koze mwen te regle
Mwen pa pè anyen ankò
Dèt mwen yo deja peye
E pwoblèm mwen yo ak jij la
Tou regle.
Sa mwen te fè te twòp
E mwen te vle toujou,
Tankou yon egare
Fè plis peche chak jou,
Men lè je m te louvri
Mwen wè kijan m te ye
Mwen te prese lage mwen
Nan pye Jezi sovè m.
Jou jijman an pral vini
Devan yon gran twòn blan
Lè tout mò va vini
Liv yo pral louvri
Lè yo va chèche non m,
Yo pap jwenn li ladan
Paske Jezi te enskri l
Nan gran liv lavi a.
Mete w an règ ak Li
E fè sa kounye a,
Pa kite twò ta bare w
Si w fè menm jan avè m
Ou vini jwenn Jezi
Jezi va delivre ou
La met non w nan liv la.
