Mouin révé mouin tandé tronpèt yo
Ki anonsé gran jou jujman.
Mouin révé nasion yo asanblé
Pou yo jujé dévan gran ton-n blan.
Gnou anj éklatan kité tron-n nan,
Sou la tè ak la mè li kanpé.
Li sèmanté ak min douat sou sièl la
Ké tan va suspan-n égzisté.
<br/> Kè:
A la moun kap krié é rélé,
Lè koupab yo tandé santans la
Yo plédé pou montagn yo kaché yo,
Yo priè, min sé té tro ta.
<br/> 2.
Non-m rich té parèt, min lajan li
Dépi lontan té disparèt.
San angnin dutou nan jujman li
Pou akité gnou si gran dèt.
Gnan nèg té la, min inpòtans li
Pa konté lè la mò mélé,
Lè anj égzaminé achiv la
Grandè nèg la pa mansioné.
<br/> 3.
Vèv la té avèk oflin yo
Bon-Dieu tandé lè yo krié.
Nan pouin tristès janmin nan sièl la
Tout dlo nan jé yo fi-n suyé.
Tafiatè té la ak banbochè,
Insi ké moun ki van-n tafia
Ouangatè, volè ak adultè a
Tout ansan-m désan-n nan lanfè.
<br/> 4.
Mésié moral rivé nan jujman
Min bon zèv moral li pat sufi,
Sa yo ki té krusifié Jézu
Pasé pou moun moral osi
É moun nan ki pa té ko paré
«Pi ta ma gin tan sové, oui!
Sé pa ko lè pou la rélijion»
Anfin trouvé tan pou mouri.
