Yon jou m a sispann chante m yo
Vwa m a rete san l pa chante;
Men ak sen ki nan laglwa yo
Nanm mwen va kontan pou l mele.
M ava wè li menm jan li ye,
Jezi Sovè m, pitit Bondye (2 liy 2 fwa)
Yon jou fòk kanmenm mwen kite
Abitasyon-m sou latè a,
Men pòt abitasyon Bondye
Va louvri pou mwen jou sa a.
M ava wè li menm jan li ye,
Jezi Sovè m, pitit Bondye (2 liy 2 fwa)
Yon jou fènwa va kouvri mwen,
Solèy va kouche pou toujou;
Men anwo Jezi va pran mwen,
P ap gen fènwa, tout tan se jou
M ava wè li menm jan li ye,
Jezi Sovè m, pitit Bondye (2 liy 2 fwa)
Fò l vini jou laglwa sa a,
Se li ki asirans kè mwen,
Senyè, kenbe-m pare pou sa,
Nan ou m-mete tout konfyans mwen
M ava wè li menm jan li ye,
Jezi Sovè m, pitit Bondye (2 liy 2 fwa)
