Non Jezi gen yon son si dou!
Li chase tristès nou.
Non Jezi ban nou gerizon,
Pa gen yon pi bèl son!
Non Jezi kalme kè twouble,
E lespri fatige.
Li kou yon manje tèlman gou
Pou nanm yo ki grangou.
Non Jezi se kou yon gwo wòch
Li pa ka deplase,
Li pwoteje m, li kache mwen,
L a sove m jouk lafen.
Jezi sèvi pou mwen tankou
Bèje e zanmi m tou,
Se li ki chemen an, epi
Laverite, lavi.
Mwen pa t ka fè anpil pou ou;
Sa m fè a piti tou ;
M a di ou mèsi pou tout gras,
Lè m a wè w fasafas.
Annatandan, mwen vle sèvi
Ak tout souf mwen, pou di
Tout pechè yo, se nan non ou
Yo kapab sove tou.
