Lontan mwen te rete nan lògèy;
M pa t rann kont Senyè m te krisifye;
M pa t konnen se pou mwen san l koule
Sou bwa Kalvè.
Tout gras Bondye te pou granmesi,
Jezi te ban mwen tout padon li.
Nanm mwen ki te twouble jwenn lavi
Sou bwa Kalvè.
Pawòl Bondye te montre m peche m;
Lò mwen wè lalwa mwen te tranble,
Jouk tan nanm koupab mwen te vire
Bò bwa Kalvè.
Kounye a m remèt Kris tout bagay
Kounye a se pou li m ap travay;
Kounye a se remèsiman m ap bay
Pou bwa Kalvè.
O ! lanmou ki te fè plan sali!
O ! lagras ki te fè li vini!
Se pou peche mwen Kris te soufri
Sou bwa Kalvè.
