Lè mwen te chèche Bondye,
Mwen menm pechè pèdi,
Pou mande l padon peche m
Nan non Sovè Jezi,
Li koute tout kri kè mwen,
Touswit li fè m kontan;
Paske Jezi pran fado m
E li te ban m yon chan.
Wi Jezi te pran fado m
Mwen pa t kapab pote l,
Wi Jezi te pran fado m
Li peye dèt peche m.
Tout krent mwen yo te sòti,
Li te fè kè m kontan;
Paske Jezi pran fado m
E li te ban m yon chan.
Pafwa chemen an glise,
Gen pa ki difisil,
Pafwa mwen fèb, mwen bouke,
Eprèv yo pa fasil;
Men lè m mete m ajenou,
“O Senyè, jouk ki tan…?”
Lè sa a Jezi pran fado m,
Toujou li ban m yon chan.
Yon jou tristès te kraze m,
M te pèdi tout espwa.
Chaj, doulè ak touman mwen
Te sanble twòp, mil fwa.
Lè sa a yon vwa vin pale m,
“Ou pou mwen sètènman.”
Lè sa a Jezi pran fado m,
E li te ban m yon chan.
M a met tout konfyans mwen nan Li,
Li konnen tout chemen.
Li va gide m ak je li
Nan pelerinaj mwen.
E m a pale nan Syèl la
Pou tout syèk ak tout tan
Kòman Jezi pran fado m
E plen kè m ak yon chan.
