Jezi te fèt nan yon krèch mizerab;
Kè li te dou, e pawòl li emab;
Maltrete, li mouri kon yon koupab,
Jezi, Senyè beni.
Mèveye, mèveye, Jezi !
Yon vrè zanmi, jiska lafen;
Li ofri kò l pou mwen genyen lavi,
Jezi, Senyè beni.
Nan loray, se li sèl ki bay lapè;
Grangou ak swaf, se li ki satisfè;
Lè tantasyon, li bay gras nesesè,
Jezi, Senyè beni
Se zanmi tout moun, men anpil renye l
Yon èd pou fèb yo, li te imilye
Limyè lemonn, se li yo krisifye
Jezi, Senyè beni.
